हालखबर मिडिया डेक्स,काठमाडौं
मंसिर २५ मंगलबार ।
काठमाडौँको कीर्तिपुरस्थित चोभारमा आगलागी भएको छ । मङ्गलवार बिहान कवाडी सङ्कलन केन्द्रमा आगलागी भएको हो । कवाडी सङ्कलन केन्द्र र बङ्गुर पालन गरिएको ठाउँमा आगलागी भएको तर अझैसम्म आगो नियन्त्रणमा आइ नसकेको काठमाडौँ महानगरपालिकाका सहायक निरीक्षक वसन्तकुमार श्रेष्ठले बताए ।
उनले आफूलाई जानकारी हुने बित्तिकै महानगरको टोली पुगेर आगो नियन्त्रणमा लिने प्रयास गरेको तर जस्ता बढी भएका कारण आगो नियन्त्रणमा लिन नसकिएको बताए । उनले स्काइभेटर मगाएर आगो जस्ता हटाउने र आगो नियन्त्रणमा लिने प्रयास गरिरहेको बताए ।
करिब आधा आगो नियन्त्रणमा आएको उनले बताए । अहिले नेपाल प्रहरी, सशस्त्र प्रहरी, स्थानीयलगायत मिलेर आगो निभाउने प्रयास भइरहेको छ ।